Goals and Objectives (लक्ष्य तथा उद्देश्यहरू)

१. Goal (लक्ष्य)

सल्यान जिल्लाका नागरिकलाई गुणस्तरीय, सर्वसुलभ, सुरक्षित तथा प्रभावकारी स्वास्थ्य सेवा उपलब्ध गराउन सहयोग पुर्याउँदै जनस्वास्थ्यको अवस्था सुधार गर्नु र स्वस्थ समाज निर्माणमा योगदान पुर्याउनु।

२. Objectives (उद्देश्यहरू)

• जिल्लामा आधारभूत तथा गुणस्तरीय स्वास्थ्य सेवाको पहुँच र उपयोग बढाउन सहयोग गर्ने।

• मातृ, नवजात शिशु, बालबालिका तथा किशोरकिशोरीको स्वास्थ्यमा सुधार ल्याउन सम्बन्धित कार्यक्रम सञ्चालन तथा समन्वय गर्ने।

• नियमित खोप, पोषण प्रवर्द्धन तथा स्वास्थ्य शिक्षासम्बन्धी कार्यक्रमलाई प्रभावकारी बनाउने।

• सङ्क्रामक तथा नसर्ने रोगहरूको रोकथाम, नियन्त्रण र निगरानीमा सहयोग गर्ने।

• स्वास्थ्य संस्थाहरूको सेवा प्रवाह, गुणस्तर तथा कार्यसम्पादनको अनुगमन र मूल्याङ्कन गर्ने।

• स्वास्थ्यसम्बन्धी नीति, योजना तथा कार्यक्रमहरूको प्रभावकारी कार्यान्वयनका लागि सम्बन्धित निकायसँग समन्वय गर्ने।

• स्वास्थ्यसम्बन्धी तथ्याङ्क तथा सूचना व्यवस्थापनलाई व्यवस्थित र विश्वसनीय बनाउने।

• स्वास्थ्यकर्मीहरूको क्षमता अभिवृद्धि तथा व्यावसायिक दक्षता विकासमा सहयोग गर्ने।

• विपद्, महामारी तथा अन्य जनस्वास्थ्य आपत्कालीन अवस्थाको व्यवस्थापनमा सहकार्य गर्ने।

• स्वास्थ्य सेवामा समान पहुँच सुनिश्चित गर्न तथा लक्षित र सीमान्तकृत समुदायको स्वास्थ्य आवश्यकतालाई सम्बोधन गर्न सहयोग गर्ने।